Sot emol
Maggy Molitor: "Ech hu gemaach, wat ech wollt maachen"
57 min
Viru Kuerzem hunn d'Makadammen der Bün Äddi gesot. D'Makadammen waren e Cabaretsensembel mat fënnef Fraen, déi zwee Joerzéngte laang mat vill Freed op de Lëtzebuerger Bünen ënnerwee waren. D'Maggy Molitor ass oder war eng vun de Makadammen, déi nieft hirer Bünenaktivitéit och 30 Joer laang Reliounsenseignante war. Mee Maggy Molitor war och jorelaang e Member vum Ensembel vun der Lëtzebuerger Theater a stoung bei esou munch Revue mat op der Bün.
D'Gesiicht vum Hei Elei Kuck Elei
Interessant ass awer och nach eng aner Säit vun der Maggy Molitor, nämlech huet si zu enger Spezies gehéiert, déi et haut ewell laang net méi gëtt. Si war Televisiounspresentatrice an zéng Joer laang mat d'Gesiicht vum Hei Elei Kucke Elei. D'Missioun war et de Public duerch d'Emissioun ze begleeden an ëmmer ze annoncéieren, wat als nächst kënnt, Presentatricen hunn déi Zäit zur Televisioun gehéiert, egal op dat elo an Däitschland, oder a Frankräich war. Eng Roll, déi awer no an no verschwonnen ass, an d'Maggy Molitor war och déi lescht Presentatrice am Lëtzebuerger Programm.
Den Hei Elei war déi Zäit Kult, et huet een den Hei Elei sonndes musse gekuckt hunn, fir mat ze schwätzen, an dat war ebe beim Maggy Molitor doheem net anescht. Si gouf du gewuer, datt d'Tëlee eng nei Presentatrice sicht, an well d'Maggy Molitor vum Wiesen hier virwëtzeg war a gär nei Saache probéiert huet, duecht si sech: "Ma dat wär eppes fir dech." An enges Daags huet si all hire Mutt zesummegeholl, si war eleng doheem an huet bei d'Tëlee ugeruff:
"An dunn hat ech awer esou den Dadderer, do hunn ech mech net richteg getraut. A mir haten an eiser Bar esou Whisky stoen, wa Besuch kënnt. Do sinn ech mer e klenge Whisky siche gaangen, do hunn ech dee gedronk, an do hunn ech den Telefon geholl a bei RTL ugeruff. An ech sot, ech hunn héieren, datt der eng nei Presentatrice sicht, an do hunn ech erwaart, se géife soen: Nee, den Ament net, oder d'Plaz ass fort. Mä amplaz soten se: Een Ament, ech ginn Iech den Här Octave."
Wat natierlech deen Ament e Schock war fir d'Maggy Molitor, well si duecht de Jean Octave wier onerreechbar.
"An do hunn ech nach emol en décke Schlupp geholl an do koum den Här Octave mat senger léiwer Stëmm, ech muss soen, dat war esou e léiwe Mann, ass haut nach e léiwe Mann. Do huet hie mech berouegt a sot: A jo. dat wär flott, ech soll mech dann emol op de Casting preparéieren, an ech soll iwwermuer kommen."
D'Maggy Molitor ass dohinner gaangen an et goufen bal zéng Joer doraus.
"Ech war op ville Bünen doheem"
D'Maggy Molitor huet villes gemaach an hirem Liewen, si huet gäre vill ausprobéiert, iwwer den Theater oder d'Schoulhalen, wat si bis haut gäre mécht, jo esouguer, Dame d'honneur um Groussherzoglechen Haff ze sinn, war eng Erfarung, déi si ni mësse wéilt. Si war op ville Bünen doheem, op ville Plazen, wou Leit sech gewënscht hätten, do ze sinn. Mee si huet awer eppes gemierkt:
" Et gëtt iwwerall nëmme mat Waasser gekacht a wann s de bis op der Plaz selwer bass, ass se net méi esou romantesch, wéi se war, mee interessant. (...) Awer ech sinn dankbar, wat ech erlieft hunn a mengem Liewen, an ech hoffen, datt ech nach ganz vill erliewen. An ech hunn och nach Spaass a sinn nach virwëtzeg, fir nach ganz aner Saachen ze erliewen."
Episoden
Raoul Migliosi: "Ech hat kee richtege Plang B"
De jonke Lëtzebuerger professionellen Acteur ass den Invité.
Jérôme Konen: Mat 27 Joer gouf hien Direkter
Zanter 2015 ass den Invité schonn Direkter vum Centre Culturel Kinneksbond zu Mamer, deem regionale Kulturzenter .
Guy Engels: Et war eng schéin Zäit
De Guy Engels geet no 18 Joer als Responsabelen vun der klassescher Museksredaktioun vum radio 100,7 an d'Pensioun.
Timo Wagner: Leeschtungssportler a Schauspiller
"Zwei Seelen wohnen, ach! in meiner Brust", d'Zitat aus dem Goethe sengem "Faust" passt gutt op den Invité.
Yann Arthus-Bertrand: E besuergten Optimist
Dee franséische Fotograf an engagéierte Klimaaktivist ass Invité.
Yvette Gastauer-Claire: "Ech wollt Schräiner ginn"
D'Artistin ass d'Inivtée beim Jean Claude Majerus bei "Sot emol"
Christiane Kremer: "D'Langweil ass de Luxus vun de Gestressten"
No iwwer 35 Joer Presenz op den RTL-Antennen ass d'Christiane Kremer an d'Pensioun gaangen, ouni awer manner aktiv ze sinn. E Gespréich iwwer e räicht Radiosliewen
Jean Claude Leners: D'Hëllef steet am Mëttelpunkt
Den Dokter Leners ass den Invité beim Jean Claude Majerus an der Emissioun "Sot emol" an erzielt eis vun sengen humanitäre Missioun an wéi en dat erlieft huet.
Anja Di Bartolomeo: En engagéierte Mënsch
Dir gitt gewuer, wien de Mënsch ass, deen hanner der Schrëftstellerin an engagéierter Fra stécht.
Yann Arthus-Bertrand: E besuergten Optimist
Dee franséische Fotograf an engagéierte Klimaaktivist ass Invité.
Colette Flesch: Eng iwwerzeegten Europäerin
Eng Politikerin duerch an duerch, jorelaang Deputéiert um Krautmaart, Stater Buergermeeschtesch, ë. a. Ausseministesch, Parteipresidentin an Europadeputéiert
Esther Conter: "Ech sinn e Gefillsmënsch"
D'Actrice, also d'Musical-Actrice, Sängerin, Gesangspedagogin, Achtsamkeits- a Meditatiounsenseignante an och Songwriterin ass d'Invitée.
Guy Geimer: Theater ass de Wee bei d'Fantasie
Den Acteur, Regisseur an Auteur, deen besonnesch och am Amateurtheater doheem ass, steet dem Jean Claude Majerus Ried an Äntwert.
Raoul Schlechter: Mam Riddo huet et ugefaangen
De Lëtzebuerger Acteur a Passionéierte vun Theater a Film ass den Invité.
Ritchie Rischard: D'Musek an den Hues Cäsar
De Museksredakter an Expert an Auteur vund e Bicher rodnerëm den Hues Cäsar ass den Invité beim Jean Claude Majerus an der Emissioun "Sot emol"
Danielle Hennicot: D'Braatsch an zäitgenëssesch Musek
D'Braatschistin a Matgrënnerin vum Ensembel United Instruments of Lucilin ass Invitée.
Claude De Demo: "Op Lëtzebuergesch sinn ech Ech"
D'Lëtzebuerger Actrice, déi aktuell fest um Berliner Ensembel zu Berlin schafft, ass d'Invitée.
Luisa Bevilacqua: "Ech sinn Erzielerin"
D'Invitée ass Erzielerin, Actrice a Kënschtlerin a si huet Formatiounen an deene verschiddensten artistesche Genrë gemaach.
Colette Flesch: Eng iwwerzeegten Europäerin
Eng Politikerin duerch an duerch, jorelaang Deputéiert um Krautmaart, Stater Buergermeeschtesch, ë. a. Ausseministesch, Parteipresidentin an Europadeputéiert
