One World
Oneness
Den Henry Darger war en amerikanesche Schrëftsteller a Kënschtler, deen zeréckgezu gelieft huet. Den Text, deen am Album "Outsider" traitéiert gëtt, ass 50 Joer al an erzielt vu Kanner, déi maltraitéiert ginn. Et ass fir d'éischt, datt dësen Text a Musek ëmgesat gëtt. De Philippe Cohen Solal kenne mer vun der Formatioun Gotan Project, déi hie gegrënnt huet. Zesumme fir dëse Projet ass hie mam Mike Lindsay vun Tunng, eng englesch Formatioun, déi éier se de Folk mat der Electro verbonnen hunn, Musek fir Puben a soft-Pornoe produzéiert hunn.
Déi englesch Tindersticks, Grupp déi zanter 1993 hiren eegene Stil fleegt an hir Aarbecht als Konschtprojet versteet. Wärend aner Formatiounen aus där Zäit sech dem populäre Britpop higinn hunn an haut vun der Bildfläch verschwonne sinn, hunn d'Tindersticks de Choix getraff sech selwer ze sinn, "Distractions" heescht hiren neien Album.
De Label Strut huet viru Kuerzem eng Anthologie mat 24 Lidder vun Oneness of Juju verëffentlecht: "African Rhythms 1970-1982" iwwerschriwwen. Oneness of Juju, am Ufank kuerz als Juju bekannt, gouf 1971 zu San Francisco gegrënnt vum Saxofonist James "Plunky" Branch, en aktive Member vun der Avant-garde Jazzzeen.
Den amerikaneschen Jazzmuseker (Pianist, Organist, Sänger) awer och Musekswëssenschaftler, Journalist a Produzent Ben Sidran huet tëschent zwou Pandemie-Explosiounen zesumme mat sengem Fils Leo, Multiinstrumentalist an e puer Gaaschtinvitéen eng nei Ep opgeholl.
Op sengem leschten Album "Border Patrol" sëtzt de Farees sech a fir Gerechtegkeet a Mënscherechter an invitéiert Calexico fir en Titel.
LaBulKrack ass eng franséisch Formatioun ronderëm de Komponist a Gittarist Hugo Bernier. Bis zu 35 Museker, jee no Geleeënheet, sinn hei derbäi.
Sech nokommen, wiermen a sech upaken. Et muss ee sech upaken, well d'Hänn kënnen heelen, dëst suggeréiert eis de Ballaké Sissoko an Oxmo Puccino, déi eis domadder de Schlëssel vun hirem Liewenswee matginn. Ballaké Sissoko, de Kora-Meeschter aus Mali, zesumme mam franséische Rapper Oxmo Puccino, och am Mali gebuer, hire gemeinsamen Titel "frotter les mains" symboliséiert hir bridderlech Léift tëschent Paräis a Bamako. Ze fannen als Single oder um leschten Album "Djourou" vum Ballaké Sissoko.
Playlist:
Yelli Yelli - Nedjma - La violence est mécanique
Delvon Lamarr Organ Trio - Aces - I Told You So
Chicken Grass - Snakebites (feat. Princess Shaw) Snakebites Single
Philippe Cohen Solal & Mike Lindsay - Hark Hark, My Friend, Cannon Thunders Are Swelling (feat. Adam Glover & Hannah Peel) - Outsider (feat. Adam Glover)
Philippe Cohen Solal & Mike Lindsay - Scattering the Fierce Foeman (feat. Adam Glover & Hannah Peel) - Outsideindersticks - Lady with the Braid - Distractions
Oneness of Juju - Be About the Future - African Rhythms 1970-1982
Ben Sidran - The Blues Is the Bottom Line - Who's the Old Guy Now
Farees - Y'all Don't Know What's Goin On (feat. Calexico) - Border Patrol
Olivier Laisney & Yantras - Spiral Down (feat. Mike Ladd)- Monks of Nothingness
José González - El Invento
LaBulKrack - Grand voile - Cumbia Bamako
Ballaké Sissoko - Frotter les mains (feat. Oxmo Puccino)
Ignace de Souza & The Melody Aces - Asaw Fofor - African Scream Contest 2 (Analog Africa No. 26)