Bis elo gouf déi russesch Aggressioun op d‘Ukrain als Spezialoperatioun bezeechent. Et hätt als Militäroperatioun ugefaangen, wier awer zënter der kollektiver Ënnerstëtzung vum Weste fir d‘Ukrain, zu engem Krich ginn, sou den Dmitry Peskov.
No massive russesche Loftattacken op Energie-Infrastrukturen an der Ukrain ass iwwerdeems an op d‘mannst 7 Regiounen uechtert d‘Land de Stroum ausgefall. Dat huet den ukraineschen Operateur Ukrenergo matgedeelt.
Dosende Strouminfrastrukture wiere bei den Attacke beschiedegt ginn.
