Den Ament géif eng Pufferzon ronderëm d’Stad geschafe ginn, well vu Charkiw aus déi russesch Regioun Bolgorod massiv mat Dronen a Rakéite géif attackéiert ginn. Och hënt hätt et zwee Doudeger bei Attacken am Südweste vu Russland ginn.
Dee fréiere Kremlchef Dmitri Medwedew, deen elo Vizechef vum nationale Sécherheetsrot ass, hat dem Selenskyj seng Rees op Charkiw den Donneschden als "Abschiedsbesuch" bezeechent. Moskau géif Charkiw ëmmer rëm als russesch Stad bezeechnen, dowéinst géifen Experten dovun ausgoen, datt och déi Regioun soll annektéiert ginn. De russesche President dementéiert dat, esou Pläng géif et fir de Moment net ginn.