Nieft der Ukrain wieren och westlech Geheimdéngschter an d‘Virbereedung vum Attentat implizéiert gewiescht, sot elo de Chef vum russesche Geheimdéngscht FSB, ouni awer Beweiser dofir ze liwweren.
Beim Attentat de leschte Freideg op e Concertssall zu Moskau koumen 139 Leit ëm d‘Liewen, an eng 200 Leit goufe blesséiert. D‘Sich no Vermësste gouf elo gestoppt, ënner de Ruine vun der Concertshal géif et keng Affer méi ginn, esou déi zoustänneg Autoritéiten zu Moskau.
