De Moien elo huet d‘ITM d‘Resultater virleie vun 2.895 Betriber. Am Total, vun deem wat virleit, kënnt den OGBL op eng 25,6 Prozent vun de Mandater, den LCGB op 14,5 Prozent an d’Gewerkschaft ALEBA op 4,1 Prozent.
Déi breet Majoritéit vun Delegéierte kënnt vu fräie Lëschten, déi net un eng Gewerkschaft gebonne sinn. Aktuell sinn dat 56 Prozent.
A Communiquéë vu gëschter huet den OGBL sech als de grousse Gewënner gesinn, den LCGB huet gemëschte Gefiller ausgedréckt, iwwerdeems d‘ALEBA hire Score e "memorabelt Resultat" genannt huet.
