Do si Staats- a Regierungscheffe vu Länner dobäi, déi un der Atomenergie festhalen, hirt Zil: nuklear Energie soll en dauerhafte Bestanddeel vum Energiemix an Europa bleiwen. Duerch nei Technologië soll d‘Atomkraaft nei opliewe gelooss ginn. Nei Technologien, déi eng ganz nei Generatioun vun Atomreaktere géifen entwéckelen. déi Technologië wieren awer réischt an 2 bis 3 Joerzéngte prett.
Ugefouert gëtt d'Allianz vu Frankräich
Déi Allianz fir d‘Atomkraaft an Europa war viru ronn engem Joer vun 11 europäesche Staate gegrënnt ginn. An Tëschenzäit si 14 Länner dobäi, also eng Majoritéit vun den EU-Länner. Ugefouert gëtt d‘Allianz vu Frankräich.
Lëtzebuerg ass op deem internationalen Atomenergie-Sommet net vertrueden. Dat hu mer vum Energieministere confirméiert kritt.
Dëse Sommet géif sech just u Länner riichten, déi en Atomprogramm hunn.
