100komma7.lu

/ Mann wéinst geplangten Attentater festgeholl

an däitschland

| 11.11.2025 - 11h21

1 min

Mann wéinst geplangten Attentater festgeholl

Zu Dortmund an Däitschland ass e Mann festgeholl ginn, deen am Internet Appelle gemaach huet, fir Attentater op Politiker ze maachen. Hie soll am Darknet Doudeslëschte publizéiert hu mat Nimm vu Politiker a Persounen aus dem ëffentleche Liewen.

1 min

Symbolbild vun enger Festnam duerch déi däitsch Police (Foto: picture alliance / Fotostand | Fotostand / K. Schmitt)

De Mann huet och Kappgeld ugebueden. Dofir huet hien Donen a Form vu Krypto-Wärung gesammelt. Op senger Plattform huet hien och selwer Doudesurteeler verëffentlecht, oder Gebrauchsanweisungen, wéi ee Bomme baut.

Den däitsch-polnesche Mann kritt ënner anerem Terrorismus-Finanzéierung virgehäit.