Déi 78 Joer al Hasina war selwer net wärend dem Prozess dobäi. Si war no de Masseprotester, d‘lescht Joer am August, zeréckgetrueden an an d‘Nopeschland Indie geflücht. Bei deene Protester géint hir Regierung waren op d‘mannst 1.400 Mënschen ëm d‘Liewe komm. D‘Sheikh Hasina soll direkt den Uerder ginn hunn, op Demonstranten ze schéissen, esou d‘Geriicht.
An enger éischter Reaktioun seet si, d‘Geriicht hätt eng politesch motivéiert, a keng objektiv Decisioun getraff.
