Bei der aktueller Äerderwiermung vun 1,4 Grad wier dat massiivt Ausstierwe vun den tropesche Koralleriffer quasi irreversibel, heescht et am sougenannte "Global Tipping Points" Rapport. Et wier 99 Prozent sécher, datt d‘Waarmwasser-Koralleriffer net méi kënne gerett ginn. Dat hätt katastrophal Konsequenze fir honnerte Millioune Mënschen an enger Millioun Mieresdéierenaarten.
No un engem Kipp-Punkt wieren dem Rapport no och den Amazonas Reebësch, wéinst Ofholzung an Dréchenten, an de Golfstroum, wéinst der Erwiermung vum Mier.
