Kee Congé extraordinaire fir Bluttspenden am Privatsecteur
Den LSAP-Deputéierten a fréiere Gesondheetsminister Mars Di Bartolomeo hat gefuerdert, datt och de Privatsecteur Congé extraordinaire fir Blutt spenden ze goen, géif kréien. Den Aarbechtsminister Georges Mischo huet sech awer an der zoustänneger Chamberkommissioun kloer dogéint ausgeschwat.
Eng Fra bei enger Bluttspend (Foto: EPA/Mario Guzman)
Am Secteur publique gëtt et esou en extraordinäre Congé, och verschidde Privatentreprise hunn en. Do ass en iwwer Kollektivverträg gereegelt. De Mars Di Bartolomeo huet argumentéiert, datt een d‘Leit mat véier Stonne Congé incitéiere kéint fir Blutt ze spenden. D‘Bluttspende gëtt fir de Rescht net bezuelt.
Ufank der Woch hat d‘Croix Rouge erëm en dringenden Appell fir Donneure gemaach. D‘Bluttreserve wieren den Ament zu Lëtzebuerg ganz niddereg.
