Virop d‘Diskussioun ronderëm d‘Tariffer wier ëmmer méi eesäiteg ginn. D‘Fraise vun den Dokteren déi net am Spidolssecteur schaffen, géife guer net berécksiichtegt ginn. An de leschte Jore wier "de Geck gemaach ginn", wann d'AMMD op d'Situatioun higewisen huet, betount de Carlo Ahlborn.
D'CNS hätt hir Aarbecht net gemaach.
"Eng Konventioun ass eppes wat tëschent zwou Partie gemaach gëtt, fir datt all Mënsch sech da rëmfënnt. Dat hei huet sech awer elo degradéiert an eng Richtung, wou eng Partie sech rëmfënnt an déi aner gi geschluecht."
Nach huet d'AMMD hir Konventioun mat der CNS net gekënnegt. Et wéilt een nach op ee Retour waarden. Ee wichtege Rendez-vous dierft d'Quadripartite haut, um Méindeg, sinn.
