/ Hacker-Grupp soll d'Donnéeë vu Milliounen Ticketmaster-Clientë geklaut hunn
An Australie gëtt enquêtéiert, well een Hacker-Grupp behaapt, d’Donnéeë vu 560 Millioune Cliente vun der Billetterie Ticketmaster wëllen ze verkafen. Den amerikaneschen FBI huet der australescher Regierung elo dofir hir Hëllef an dëser Affär ugebueden.
1 min
Den Hacker-Grupp „ShinyHunters“ huet an engem Onlineforum geschriwwen, déi geklauten Donnéeën – dorënner Kreditkaarten-Detailer - fir ëmgerechent 460.000 Euro wëllen ze verkafen.
D’Noriichtenagence AFP huet Ticketmaster kontaktéiert, an huet bis elo kee Kommentar zu dësem Fall kritt.
