De britteschen Ausseminister David Lammy huet annoncéiert, de gréisste Mesurepak géint Russland zënter den éischte Krichsdeeg ze verëffentlechen. Dat fir déi russesch Krichsmaschinerie ze schwächen an d’Akommesquellen ze reduzéieren, mat deenen d’Zerstéierung vun der Ukrain finanzéiert gëtt, sou de britteschen Ausseminister.
Och d’Ausseminister vun den EU-Memberstaaten treffen sech muer um Méindeg zu Bréissel, fir weider Sanktiounen ze decidéieren. Hei ginn ënner anerem nei Handelsbeschränkungen, a Mesure géint russesch Medien a géint déi sougenannt russesch Schattenflott erwaart.
