Beim Fussballmatch Lëtzebuerg géint Irland gëschter Dënschdegowend am Stade de Luxembourg gouf et weider Protester géint d'Selektioun vum Gerson Rodrigues, dee wéinst haislecher Gewalt zu 18 Méint Prisong mat Sursis verurteelt gouf. Ënner dem Motto Rout Kaart fir d‘FLF haten e puer Associatioune vun der Plattform JIF e Protest organiséiert.
De Frëndschaftsmatch tëschent Lëtzebuerg an Irland goung 0-0 aus.
Virum Match hat d'Fussballfederatioun an engem Communiqué Feeler zouginn a sech entschëllegt. D'FLF huet och annoncéiert, datt eng onofhängeg Ethikkommissioun géif gegrënnt ginn, fir déi rezent Virfäll ënner d'Lupp ze huelen.
