D’Recette sinn an den éischte sechs Méint vum Joer just em 2,5 Prozent par rapport zum selwechten Zäitraum zejoert geklommen. D’Ausgaben allerdéngs ëm 6,9 Prozent. Déi Situatioun mécht dem Gilles Roth eegenen Aussoen no awer keng Suergen.
“Mir gesi generell eng dynamesch Entwécklung op der Finanzplaz. (...) Fir de Recht mengen ech, datt déi Moossnamen, déi mir fräiwëlleg ergraff hunn – notamment de Wunnengsbau – datt déi natierlech och hiren Néierschlag fonnt hunn um Niveau Mindereinnahme beim Enregistrement.”
De Gilles Roth ass weiderhin zouversiichtlech, datt een d’Zilsetzung, déi am Budget festgehale gouf, wäert erreechen.
Dofir wiere fir de Moment och keng Korrekturen néideg, esou nach de Finanzminister. De Gilles Roth mécht déi manner staark Staatsrecetten ënnert anerem doru fest, datt d’Regierung d’Steiertabell deelweis un d’Inflatioun ugepasst hätt.
