De Kontakt mat Bloalgen ass e Gesondheetsrisiko fir Mënschen an Déieren. Deemno soll een och Hënn op där Plaz net an de Séi loossen oder aus dem Séi drénke loossen.
D‘Waasserwirtschaftsamt preziséiert, datt een op den anere Plagen um Stauséi, an och an de Weieren zu Wäiswampech, Iechternach a Rëmerschen, weider ka schwamme goen.
De Kontakt mat Bloalgen, respektiv wann een där géif ofschlécken, kann ënner anerem Kapp- oder Bauchwéi ausléisen. Leit, déi sech nom Schwammen net wuel spieren, sollen en Dokter kontaktéieren.