De Philippe Wilmes weist d‘Virwërf zeréck, datt hien Agrëffer gemaach hätt, déi net medezinesch néideg gewiescht wieren. Hie schwätzt vun anonymmen an onbegrënnten Uschëllegungen, zu deenen hie keng Méiglechkeet gehat hätt, Stellung ze bezéien.
An deem Bréif géif den Dr. Wilmes och schreiwen, datt d‘Affär politesch motivéiert wier. Säin Engagement fir e bessere Gesondheetssystem a fir modern an innovativ Therapien hätt verschidde Leit gestéiert. Dofir wier probéiert ginn, ee politesche Géigner aus dem Wee ze raumen. Och seng FindelClinic wier e Projet, dee villen Acteuren am Gesondheetswiesen net géif gefalen.
