Den éischten Nationale Veteranendag an Däitschland fält an eng Zäit, an där d’Bundeswehr nees eng méi grouss a méi wichteg Roll kritt. Den Éierendag, deen de Bundestag lescht Joer beschloss hat, soll dozou dengen, Arméi an Zivilbevëlkerung nees méi no beieneen ze bréngen.
Wäertschätzung klëmmt zënter russescher Invasioun
Well d’Unerkennung fir d’Zaldoten, déi war an Däitschland jorelaang just erofgaangen.
Besonnesch de laangjäregen Asaz an Afghanistan war bei der breeder Populatioun extrem onbeléift.
Zënter der russescher Invasioun an der Ukrain an de Pläng, d’Bundeswehr nees bereet fir gréisser Asätz ze maachen, klemmt d’Wäertschätzungvun de Leit awer nees.
Sondagen no, hu mëttlerweil 80 Prozent vun den Däitschen eng positiv Astellung zur Bundeswehr.
Fräiwëllegen Déngscht
De Veteranendag ass fir d’Arméi an d’Politik awer och eng wëllkomme Geleeënheet, op d’Personalproblemer bei der Bundeswehr opmierksam ze maachen.
Fir nei Leit bei d’Arméi ze kréien, preparéiert déi däitsch Regierung e fräiwëllege Wehrdienst.
An hirem Koalitiounsaccord hunn CDU an SPD sech awer op gehalen, an Zukunft och nees iwwert eng Wehrpflicht nozedenken – wann d’Arméi dat brauch.
