Den Donald Trump sot am Virfeld net, wéi eng europäesch Staats- oder Regierungscheffen an d'USA kommen.
Hie géif geschwënn och nees mam russesche President Wladimir Putin schwätzen, esou nach den US-President. Hie wier net zefridde mat der Situatioun an elo bereet, nei Sanktioune géint Moskau anzeféieren. Dat huet den Donald Trump rezent e puermol gesot, ouni awer bis elo eng Decisioun ze huelen.
Russland hat an der Nuecht vu samschdes op sonndes eng Rekordzuel vun 800 Dronen a Rakéiten op d'Ukrain geschoss. Op d'mannst 5 Leit koumen dobäi ëm d'Liewen. Fir d'éischte Kéier gouf och de Sëtz vun der ukrainescher Regierung zu Kiew getraff.
