D'Tageblatt hat de Méindeg gemellt, datt den interkommunale Persounentransport am Kanton Esch a senger aktueller Form net wäert weiderbestoen - d'Exekutiv vum Syndikat an d'Buergermeeschtere vun de Südgemengen hätten en Accord de principe fonnt fir e Syndicat mixte aus Staat a Gemengen ze grënnen, mee d'Verhandlunge géifen nach lafen, esou de Mobilitéitsministère.
A wann esou ee Syndicat mixte sollt entstoen, da géifen d'Aarbechtskontrakter vum TICE-Personal bäibehalen an transferéiert ginn. D'Suerge vun de Gewerkschafte wieren also net fondéiert. D'Yuriko Backes confirméiert allerdéngs, datt vun Enn vun dësem Joer u kee Schoultransport vum TICE méi géif assuréiert ginn. De Syndikat hätt dat entscheet. Doropshin hätt de Ministère entscheet, datt Busser vum RGTR-Reseau dat géifen iwwerhuelen, heescht et nach am Communiqué.
