100komma7.lu

/ D'App fir d'CFL-Parkhaiser funktionéiert fir den Ament net

Problemer mat externem Server

| 21.08.2025 - 10h41

1 min

D'App fir d'CFL-Parkhaiser funktionéiert fir den Ament net

D'App fir d’Parkhaiser vun der CFL funktionéiert fir den Ament net. Dat huet d'CFL op eis Nofro hi confirméiert. Et géif e Problem mat engem externe Server ginn, esou d'Erklärung. Dowéinst kéint ee fir den Ament och net soen, wéi laang de Problem nach unhält.

1 min

D'App ass am Normalfall geduecht, fir datt d'Autosplacke kënnen erkannt ginn, an déi Leit, déi sech duerno mam ëffentlechen Transport weider deplacéieren, wärend 24 Stonnen de Parking gratis kënnen notzen.

Fir weiderhin de gratis Service ze assuréiere ginn op verschiddene Plazen d’Barriären opgelooss. Op anere kann ee sech telefonesch mat engem Mataarbechter a Verbindung setzen, deen engem d'Paart opmaache kann, esou nach d’CFL.