Wat de Pensiounssystem ugeet, wier eng Reform néideg, an net nëmmen eng breet Consultatioun. D’Handelskammer vermësst och Zuelen zum Impakt vun de geplangte steierleche Mesuren, grad wéi Projektiounen iwwert déi ëffentlech Schold. Ganz vill Moossnamen am Programm vun der CSV-DP-Regierung géife vill Sue kaschten, z.B. déi am Beräich vum Logement, huet de Generaldirekter Carlo Thelen fest gestallt.
Méi generell huet d’Handelskammer sech zefridde gewisen, datt am Regierungsprogramm vill Mesurë stéingen, déi si recommandéiert hat. Elo wieren déi richteg Prioritéiten néideg.
