100komma7.lu

/ Chômagetaux par Rapport zum leschte Joer liicht geklommen

Am August

| 22.09.2025 - 11h11

1 min

Chômagetaux par Rapport zum leschte Joer liicht geklommen

18.065 Persoune waren Enn August bei der Adem ageschriwwen, dat waren der 330 méi, wéi virun engem Joer, wat eng Hausse vu knapp 2 Prozent ausmécht. Wéi d'Adem an de Statec matdeelen, ass de Chômagetaux leschte Mount awer stabel bliwwen, bei 5,9 Prozent.

1 min

ADEM (aalt Gebai) (Foto: picture alliance / ZB | Sascha Steinach)

Och déi nei Inscriptioune beim Aarbechtsamt si stabel bliwwen. 2.460 Residenten hunn sech am August nei ageschriwwen.

D'Zuel vun den Demandeurs d‘Emploi, déi Chômage kréien, ass iwwerdeems zréckgaangen, ëm véier an een hallwe Prozent, an och Leit, déi an enger Beschäftegungsmesure dra sinn, war am August liicht réckgängeg, am Verglach mam Joer virdrun. D‘Zuel vun de fräie Plazen, déi bei der Adem deklaréiert ginn, ass och weider zréckgaangen.