James Dean, en Numm bei deem een nach haut d’Gefill vu Fräiheet kritt an och eng Zort Synonym vu Rebell. De James Dean, de mysteschen amerikaneschen Acteur an Teenager-Idol, deen och nach haut net komplett aus eise Käpp verschwonnen ass. De James Dean, deen op der Schwell vun enger grousser Acteurs-Karriär stoung, dee grad deen Ament, duerch en trageschen Autos-Accident matten aus senger Jugend, matten aus dem Liewe gerappt gouf. Hie war jonk, sensibel an anescht a mat just dräi Filmer ass hien d’Stëmm vun enger Generatioun déi sech net verstane gefillt huet. Haut gëtt un dem James Dean säi 95. Anniversaire geduecht, den Acteur, Rebell a Mythos deen awer den 30 September deen Accident op där Kräizung zu Cholame a Kalifornien net iwwerlieft huet.
De Jean Claude Majerus erënnert haut am Retomania un de Mythos James Dean.