Des Entwécklung huet vill nei Planzen- an Déierenaarten neie Liewensraum geschafen.
Des Vilfalt oder Biodiversitéit ass awer an de leschte Joerzéngten dramatesch zréck gaangen, an 1. Linn duerch de Strukturwandel an der Landwirtschaft a den enorme Flächeverbrauch fir de Siidlungsbau.
Lëtzebuerg huet sech a sengem nationalen Naturschutzplang ambitiéis Zieler gesat, fir dem Réckgang vun den Aarten a Liewensräim entgéint ze wierken an den Zoustand vun der Natur ze verbesseren. Fir des Zieler ze erreechen, ginn et eng ganz Panoplie vu Mesuren, déi vum Staat an de Gemenge finanzéiert ginn. D’Biologesch Statioune sinn et wichtegen Acteur, fir an Zesummenaarbecht mat de Baueren an de Proprietäre vun Terrainen des ambitiéis Naturschutz-Ziler ze erreechen.
Gläichzäiteg sinn d’Biologesch Statioune beméit, d’Gesellschaft iwwert Erausfuerderunge vum Naturschutz ze sensibiliséieren an hinnen d’Bedeitung vun enger intakter Natur fir de Mënsch verständlech ze maachen.
Wat sinn d’Haapterausfuerderunge fir den Naturschutz an de nächste Joren ?
Wat ass der Gesellschaft oder dem Eenzelnen seng Roll am Naturschutz?
D'Doris Bauer vum SIAS ass am Studio a gëtt Äntwerten op des Froen.
