An der Permakultur geet et drëms ewech vun der industrieller Landwirtschaft ze kommen. D'Natur ass dat beschte Virbild fir ze weisen, wéi alles matenee verbonnen ass a säi Sënn an Zweck huet fir laangfristeg ze funktionéieren, gesond ze bleiwen an trotzdeem respektabel Recolten ze assuréieren.
Wann ee sech déi néideg Zäit a Gedold hëlt fir der Natur nozekucke wéi si funktionéiert, kann ee probéieren dat an sengem eegene Gaart ze kopéieren. Esou verbrauch ee keng onnéideg Ressourcen a kann op kënschtleche Support verzichten. Wann een dës Iddi am Groussen a Globalen op eiser Welt géif uwenden, kënnt ee probéieren déi natierlech Ressourcë fir all Mënsch op dëser Welt zougänglech ze maachen an esou d'Grondliewensressourcë jiddwerengem zur Verfügung ze stellen.
Doheem am eegene Gaart kann ee scho selwer ganz vill ënnerhuele fir am Sënn vun der Permakultur ze iwwerleeën an ze handelen. Mam Danièle Keup vun der Liga Gaart an Heem
Literatur-Tippe vum Danièle:
- Angela Gerlach: "Permakultur" (Illustratorin)
- "Der Boden lebt" vun der Liga Gaart & Heem
