Eng Blummewiss ass net nëmme schéin ze kucken, mee ee Doheem fir eng helle Wull un Insekten, Beien, Käferen, Päiperleken a Villercher. Een net onwichtege Virdeel vun der Blummewiss ass och déi wéineg Aarbecht, déi een domadder huet.
D'Uleeë vun enger Blummewiss mécht sech am Beschten am Fréijoer op engem propperen, Onkraut-fräie moren an dréchene Buedem, deen vill Sonn kritt. Dofir mécht et Sënn de Wues, deen an eise leschte waarmen an dréchene Summere verdiert ass, ze tausche mat enger Blummewiss, déi faarweg, lieweg a schéin ze kucken ass.
Et kritt een extra Sommëschungen, déi fir d'Lëtzebuerger Regioun zesummegestallt goufen an esou kann een d'Biodiversitéit a sengem eegene Gaart ouni groussen Opwand ënnerstëtzen. Eng grouss Auswiel an heemesche Kraider, Blummen a Grieser kann een esou a sengem eegene Gaart séien.
Et sollt ee sech fir eng méijäreg Sommëschung decidéieren, dat mécht am mannsten Aarbecht. Iwwer d'ganzt Joer brauch ee just eemol am Hierscht ze méien an dat ze entsuergen. Eng Blummewiss ass wéineg Opwand, awer ee grousse Bäitrag fir d'Biodiversitéit a schéin ze kucken.
