Biotop
Gromperen an alle Gréissten a Faarwen
14 min
D'Grompere si gesond, maache sat. Se sinn d'Basis fir eng helle Wull u Platen a sinn einfach am Gaart ze zillen.
D'Gromper, déi initial aus den Ande kënnt, an als Zierplanz bei eis eriwwer koum an Europa, gouf séier als Grondnarungsmëttel ugebaut. Dat ass am 18. Joerhonnert esou wäit gaangen, datt aner Grondnarungsmëttele wéi de Weess bal verschwonne sinn. D'Resultat war eng grouss Hongersnout an Irland duerch d'Ufällegkeet vu Krankheete bei der Gromper.
Grompere sinn haut net méi aus eisem Iessen ewech ze denken. Gromperen am Gaart selwer unzebauen ass net schwéier, well et eng Planz ass, déi keng Uspréch stellt. Wann een op e puer Saachen oppasst, kann een elo am Mäerz ufänken ze séien, fir am Juni fréistens mat der Recolte unzefänken. D'Gromper ass frou mat der Sonn an huet et gäre fiicht, awer se sollt all Joer op eng anerer Plaz am Gaart geplanzt ginn, well si ee Starkzehrer ass.
Krankheete kann ee vermeiden, wann ee mat genuch Espace planzt an d'Gromper am A behält, wa se wiisst. Et gëtt iwwer 5.000 Zorte Grompere weltwäit, an alle Gréissten, Formen, Faarwen a Konsistenzen. Dofir eegent sech Gromper fir déi ënnerschiddlechst Platen op der ganzer Welt. No der Recolte sollt een d'Gromper donkel, dréchen a kill lageren.
Och d'Séissgromper oder den Topinambur kann een als Gromperenersatz ouni Weideres gebrauchen, fir Ofwiesslung a seng Kichen ze bréngen. Béid Zorte si genee esou gesond wéi déi normal Gromper.
Gromperen, méi fester (z. B. Nicola, Charlotte) eegne sech besser fir Zaloten oder gebrode Gromperen, blann Gromperen oder gekachte Gromperen
Gromperen, méi mëller (z. B. Bintje, Monalisa) eegne sech gutt fir Püree, Gnocchi, Krocketten, Zoppen a Fritten
Well et esou vill verschidden Zorte Grompere ginn, mécht et Sënn opzepassen, wéi eng Zort sech am beschten eegent, fir verschidde Platen.
Informatioune mat der Danièle Keup vun der Liga Gaart an Heem
Episoden
Invasiv Neophyten - E Problem fir eis an d’Natur
Verschidden net einheimesch Planze kënne grousse Schued aneiser Natur uriichten. Dofir ass et wichteg, op déi Planzen am Gaart ze verzichten a sech fir einheimesch Alternativen ze entscheeden.
Naturerliefnisräim - eng gréng Oas fir all Alter
Wärend fréier d’Kanner op der Gewan gespillt hunn, verbrénge si haut déi meeschten Zäit an engem urbaniséierten Ëmfeld. Wat kann dat fir Problemer mat sech bréngen a wéi kënne Naturerliefnisräim eng Léisung sinn?
Bongerten - méi wéi nëmme Beem
Wousst Dir schonn, datt Bongerten d’Aartevillfalt fërderen an d’Klima schützen? Dës Kulturlandschafte bidde wäit méi wéi nëmme frëscht Uebst. Den Naturschutzzentrum A Wiewesch gëtt en Abléck.
Besser uséien oder léiwer fäerdege “Rollrase” leeën?
Wéi aarbechtsintensiv sinn déi zwou Varianten?
ReStruktur an nationalen Dag vum Bam
ReStruktur an den nationalen Dag vum Bam sinn zwee Projete mam Ziel d’ökologesch Strukturen an der Landschaft ze verbesseren.
Honnertjäreg a fit
Wéi Gaardenaarbecht an den eegenen Uebst- a Geméisubau dozou bäidroe kann
Landwirtschaft a Naturschutz, geet dat?
Eis oppe Kulturlandschaft ass eréischt duerch d’Aarbecht vum Mënsch entstanen, well hie säit Joerdausenden de Buedem urbar gemaach a Liewensmëttel produzéiert huet.
D'Virstellung vun der Administration de la nature et des forêts ANF
Et geet drëms engem breede Publikum d'Wäertschätzung vun der Natur an e bewossten Ëmgang mat den natierleche Ressourcen ze vermëttelen.
"Hondskéipercher” an der Natur
Hondskéip an hiren negativen Impakt op eis Ëmwelt, méi konkret op de Mënsch, aner Déieren an d’Natur
Aktioun Kaweechelchen
Kaweechelcher si leider ëmmer grousse Geforen am Stroosseverkéier ausgesat. Dofir huet natur&ëmwelt eng nei Aktioun an d’Liewe geruff.
Den Distelfalter - e Päiperlek op Rekord-Wanderung
Déi faszinant Geschicht vum Päiperlek a firwat mir e schütze mussen.
Nohaltegkeet am Gaart
Ausser op Pestizide verzichte gëtt et nach vill Méiglechkeeten nohalteg am eegene Gaart ze schaffen.
Päiperleksmonitoring an Insektesummer
Insekte spillen an eisem Ökosystem eng wichteg Roll, allerdéngs wësse mir ëmmer nach net genuch iwwer dës Déieregrupp. De Monitoring soll dat änneren.
Wäibau an Naturschutz
Firwat sinn déi traditionell Wéngertsstrukturen net nëmme fir d’Wäiproduktioun wichteg, a wat kënnen d’Wënzer fir d’Bestëbser maachen? Firwat ass Villfalt wichteg fir d’Resilienz vun de Wéngerten?
Gedankefloss: Philosophéieren iwwer Ëmwelttheemen
De Projet "Gedankefloss“ proposéiert philosophesch Ronnen ze organiséieren, fir zesummen iwwer Ëmweltfroen nozedenken an nohalteg Léisungen ze fannen.
D’Naturschutzgebitt Ellergronn mat senge Wanderweeër a Biotopen
Eng divers Natur an de Patrimoine vun der deemoleger Eisenindustrie fléisst hei zesummen.
Seejomessen a Schleeken am Gaart
En natierlechen Botzdéngscht am Gaart
Einheimesch Séisswaassermuschel: Notzen, Schutz a Bedroung
Siwen einheimesch Muschelaarte ginn et zu Lëtzebuerg.
Verschwannen d'Bestëbser?
Zanter Jore gëtt ee staarke Réckgang vun de Bestëbser-Insekten observéiert. Dat huet e puer Grënn: d’Flächeversigelung, den Asaz vu Pestiziden an d’Verschwanne vun den natierlechen Narungsquellen a Liewensraim vun de Wëllbeien oder Päiperleken.
