Biotop
Manner Luuchten, méi Stären, méi Déieren
Am beschte Luuchte wielen, déi manner wéi 3.000 Kelvin hunn an e waarmen Toun.
De gréissten Deel vum EU-Gebitt ass an der Nuecht kënschtlech beliicht. Esou ass et och zu Lëtzebuerg: Vill Leit hunn d'Mëllechstrooss nach ni mat bloussem A gesinn, well mir eisen däischteren Nuetshimmel duerch Liichtverschmotzung verléieren. Net jiddwereen interesséiert sech awer fir Stären, firwat ass déi Liichtverschmotzung iwwerhaapt e Problem?
Eis hell Nuechte brénge verschidden negativ Konsequenze mat sech. D'Gesondheet vum Mënsch leit drënner, an och de Liewenszyklus vu villen Déieren a Planzen ass gestéiert. Dobäi kënnt och nach déi grouss Energie-Verschwendung.
Et ginn natierlech individuell Léisungen, wéi mir d'Liichtverschmotzung zu Lëtzebuerg reduzéiere kënnen: Nuetsbeliichtung op e Minimum reduzéieren, d'Beliichtung no uewen aschränken, déif Faarftemperature benotzen."
Ëm déi 20 Gemengen hu sech scho bei der CREOS gemellt fir hir Nuetsbeliichtung anzeschränken/auszeschalten, a si kënnen esou ëm déi 25 Prozent aspueren. Wat kann deen Eenzelen doheem maachen?
Et soll een d'Nuetsbeliichtung nëmmen do asetzen, wou et néideg ass, a wa se wierklech gebraucht gëtt. Ech stelle mir d'Fro, ob meng Fassad iwwerhaapt muss beliicht sinn. D'Steeluuchten op de Fënsterbrieder wierke flott a signaliséieren e bewunnten Haus, mee mussen si déi ganz Nuecht laang u sinn? De Wee bei d'Garage muss och net de ganzen Zäit beliicht sinn. Dofir kann een da Beweegungsmelder an Zäitschaltaueren asetzen.
Da soll een och virun allem d'Beliichtung no uewe vermeiden: Liicht, dat an den Himmel geriicht ass, dréit zu onnéideger Liichtverschmotzung bäi a perturbéiert eis Fliedermais, Vullen an Insekten ...
D'Beliichtung vum Gaart, dat heescht vu Beem, Straicher a Gewässer soll ee ganz ewech loosse fir d'Liewewiesen ze schützen. Een Drëttel vun den Insekten, déi Nuets vun der Luucht ugezu ginn, stierwen un Erschëpfung."
Informatioune mat der Marianne Kollmesch vun der Ëmweltberodung EBL
Episoden
Invasiv Neophyten - E Problem fir eis an d’Natur
Verschidden net einheimesch Planze kënne grousse Schued aneiser Natur uriichten. Dofir ass et wichteg, op déi Planzen am Gaart ze verzichten a sech fir einheimesch Alternativen ze entscheeden.
Naturerliefnisräim - eng gréng Oas fir all Alter
Wärend fréier d’Kanner op der Gewan gespillt hunn, verbrénge si haut déi meeschten Zäit an engem urbaniséierten Ëmfeld. Wat kann dat fir Problemer mat sech bréngen a wéi kënne Naturerliefnisräim eng Léisung sinn?
Bongerten - méi wéi nëmme Beem
Wousst Dir schonn, datt Bongerten d’Aartevillfalt fërderen an d’Klima schützen? Dës Kulturlandschafte bidde wäit méi wéi nëmme frëscht Uebst. Den Naturschutzzentrum A Wiewesch gëtt en Abléck.
Besser uséien oder léiwer fäerdege “Rollrase” leeën?
Wéi aarbechtsintensiv sinn déi zwou Varianten?
ReStruktur an nationalen Dag vum Bam
ReStruktur an den nationalen Dag vum Bam sinn zwee Projete mam Ziel d’ökologesch Strukturen an der Landschaft ze verbesseren.
Honnertjäreg a fit
Wéi Gaardenaarbecht an den eegenen Uebst- a Geméisubau dozou bäidroe kann
Landwirtschaft a Naturschutz, geet dat?
Eis oppe Kulturlandschaft ass eréischt duerch d’Aarbecht vum Mënsch entstanen, well hie säit Joerdausenden de Buedem urbar gemaach a Liewensmëttel produzéiert huet.
D'Virstellung vun der Administration de la nature et des forêts ANF
Et geet drëms engem breede Publikum d'Wäertschätzung vun der Natur an e bewossten Ëmgang mat den natierleche Ressourcen ze vermëttelen.
"Hondskéipercher” an der Natur
Hondskéip an hiren negativen Impakt op eis Ëmwelt, méi konkret op de Mënsch, aner Déieren an d’Natur
Aktioun Kaweechelchen
Kaweechelcher si leider ëmmer grousse Geforen am Stroosseverkéier ausgesat. Dofir huet natur&ëmwelt eng nei Aktioun an d’Liewe geruff.
Den Distelfalter - e Päiperlek op Rekord-Wanderung
Déi faszinant Geschicht vum Päiperlek a firwat mir e schütze mussen.
Nohaltegkeet am Gaart
Ausser op Pestizide verzichte gëtt et nach vill Méiglechkeeten nohalteg am eegene Gaart ze schaffen.
Päiperleksmonitoring an Insektesummer
Insekte spillen an eisem Ökosystem eng wichteg Roll, allerdéngs wësse mir ëmmer nach net genuch iwwer dës Déieregrupp. De Monitoring soll dat änneren.
Wäibau an Naturschutz
Firwat sinn déi traditionell Wéngertsstrukturen net nëmme fir d’Wäiproduktioun wichteg, a wat kënnen d’Wënzer fir d’Bestëbser maachen? Firwat ass Villfalt wichteg fir d’Resilienz vun de Wéngerten?
Gedankefloss: Philosophéieren iwwer Ëmwelttheemen
De Projet "Gedankefloss“ proposéiert philosophesch Ronnen ze organiséieren, fir zesummen iwwer Ëmweltfroen nozedenken an nohalteg Léisungen ze fannen.
D’Naturschutzgebitt Ellergronn mat senge Wanderweeër a Biotopen
Eng divers Natur an de Patrimoine vun der deemoleger Eisenindustrie fléisst hei zesummen.
Seejomessen a Schleeken am Gaart
En natierlechen Botzdéngscht am Gaart
Einheimesch Séisswaassermuschel: Notzen, Schutz a Bedroung
Siwen einheimesch Muschelaarte ginn et zu Lëtzebuerg.
Verschwannen d'Bestëbser?
Zanter Jore gëtt ee staarke Réckgang vun de Bestëbser-Insekten observéiert. Dat huet e puer Grënn: d’Flächeversigelung, den Asaz vu Pestiziden an d’Verschwanne vun den natierlechen Narungsquellen a Liewensraim vun de Wëllbeien oder Päiperleken.
