One World
Faarweg
57 min
Den Earl McGrath war e Jet-Setter mat gudde Connectiounen an der Museks- a Film-Industrie an an der Konschtwelt. Hien huet e groussen Deel zu der Formatioun vun esou munch major Acts bäigedroen, dorënner den Daryl Hall an John Oates, Terry Allen oder Jim Carroll. Nom Earl sengem Doud 2016 huet de Journalist Joe Hagan am Kleederschaf vum Earl senger New Yorker Wunneng eng Rëtsch Tounbänner fonnt mat nach onverëffentlechte Lidder, an déi sinn elo ze héieren op "The Lost Archive of Earl McGrath, 1970-1980" ... eng Geschicht wéi aus dem Billerbuch!
De Gyedu-Blay Ambolley, deen och als den James Brown aus dem Ghana bezeechent gëtt, ass e Meeschter vum High-Life. Hie verbënnt de Genre mat Funk, Jazz, Soul a Rap. "Blay Ambolley and Hi - Life Jazz" heescht säin neien Album.
First Word Records presentéieren op en Neits deen zu Cardiff baséierte Produzent an DJ Don Leisure mat engem neie 25 Track-Album "Shaboo Strikes Back". Fënnef Joer si vergaangen no der Verëffentlechung vun der éischter "Shaboo"- Plack, déi eng Kollektioun vu Lidder aus dem Don senger Jugend erklénge gelooss huet, Stécker, déi e Roadtrip vum Artist dokumentéiert hunn. Hip-Hop, vermëscht mat Jingele vun asiatesche Radioen ... an och haut erëm héiere mir bei "Shaboo Strikes Back" eng Hellewull Kläng an Instrumenter matenee vermëscht.
E faarwegt an ästheetesch schéint Zesummespill tëschent der Stëmm an den Texter vun der Mona Soyoc mat de melodeschen Texture vum Olivier Mellano, Gittarist, deen ë. a mam Brendan Perry vun Dead Can Dance geschafft huet, léisst dee gemeinsamen neien Album "Alive" erkléngen.
Dem Neil Young säin "Old Man" gëtt haut interpretéiert vum Beck, dee selwer e Fan vum Neil Young ass. De Beck scheit sech awer net dëst Lidd vum Neil Young fir eng Fussballs-Publizitéit ze coveren. An all Mënsch weess, datt den Neil Young säi Liewe laang refuséiert huet seng Musek fir Publizitéits-Zwecker anzesetzen ...
Ganz authentesch klengt deen neien Album vun der Sascha Ley "In Between". Schonn zanter Jore geet si ëmmer erëm eege Weeër an erfuerscht ganz verschidde Klangwelten wéi och Gesangstechniken. Eng Decouverte!
Deen zu Gent baséierten Jazz-Kollektiv Compro Oro huet en neien Album "Buy the Dip". Manner Ethno wéi viregt Verëffentlechungen, der Grupp hire fënneften Album léist méi techno-logy erkléngen: Synthien an elektronesch Effekter ginn agebonnen an Jazz, Funk Rhythmen mat exotesche Perkussiounen an Elementer aus anere Genren.
"This Stupid World" ass d'Iwwerschrëft vum neien Yo La Tengo Album, dee fir de Februar d'nächst Joer ugekënnegt gëtt. "Stupid World" ass ouni Hëllef vu baussen entstane, eng Eege-Produktioun also vum Trio aus dem New Jersey, deen zanter 1984 aktiv ass. Een Titel ass elo schonn disponibel ...
Playlist:
Mark Rodney - California - Earl's Closet: The Lost Archive of Earl McGrath, 1970-1980
The Jim Carroll Band - Tension - Earl's Closet: The Lost Archive of Earl McGrath, 1970-1980
Gyedu-Blay Ambolley Gyedu - Yekor Ye a Yeaba - Blay Ambolley and Hi - Life Jazz
Calypso Rose - Calypso Blues - So Calypso !
Brushy One String - Chicken In the Corn (RiseUp Original Version) - The King of One String
Don Leisure - Neon Drizzle (Hotel Shaboo) [feat. Gruff Rhys] - Shaboo Strikes Back
Beck - Old Man - Old Man - Single
Olivier Mellano & Mona Soyoc - Come In The Winter - Alive
Sascha Ley - In Between - In Between
Bugge Wesseltoft & Sidsel Endresen- Truth - Out Here In There
Compro Oro - The Lower 9th - Buy the Dip
The Mauskovic Dance Band - Zwaar - Bukaroo Bank
Yo La Tengo - Fallout - This Stupid World
Episoden
Globetrotter
Den Hang an duusse Berber Hänn, Globetrotter a Liewenskënschtler, déi méi wéi eng Kap ophunn an de Fado revisitéiert.
Globetrotter
Den Hang an duusse Berber Hänn, Globetrotter a Liewenskënschtler, déi méi wéi eng Kap ophunn an de Fado revisitéiert.
Memories
Al Bekannter, de Blues revisitéiert, Funk aus dem Togo, Ethio Fusiounen an Erënnerungen un en Hellegen, deen et tatsächlech gëtt.
Memories
Al Bekannter, de Blues revisitéiert, Funk aus dem Togo, Ethio Fusiounen an Erënnerungen un en Hellegen, deen et tatsächlech gëtt.
Genoma
E Fransous, deen aus den Träipen eraus sengt, en aneren, deen iwwer d'Genom nodenkt, en iresche Songwriter an de Paräisser Baren an e Klang, wéi net vun dëser Welt.
Genoma
E Fransous, deen aus den Träipen eraus sengt, en aneren, deen iwwer d'Genom nodenkt, en iresche Songwriter an de Paräisser Baren an e Klang, wéi net vun dëser Welt.
Summer's here
Musek aus Galizien, eng rar Pärel nei verëffentlecht an Techno mat Sträicher ...
Summer's here
Musek aus Galizien, eng rar Pärel nei verëffentlecht an Techno mat Sträicher ...
Engagéiert Causen
Lidder aus Griichenland vun de 60er a 70er Joren nei opgemëscht, Jazz aus dem Norden an aus dem Süden, engagéiert Museker fir d'Mënscherechter a fir den Erhalt vun de Weltmierer.
Engagéiert Causen
Lidder aus Griichenland vun de 60er a 70er Joren nei opgemëscht, Jazz aus dem Norden an aus dem Süden, engagéiert Museker fir d'Mënscherechter a fir den Erhalt vun de Weltmierer.
Eege Weeër
Eege Weeër
Shapes of the Fall
Vill cross-kulturell Dialoger bei One World an engagéiert Artisten déi sech asetze fir d'Fräiheet vun de Mënschen.
Shapes of the Fall
Vill cross-kulturell Dialoger bei One World an engagéiert Artisten déi sech asetze fir d'Fräiheet vun de Mënschen.
Brighter Days Ahead
Kreativ Collaboratiounen, eege Stiler an nei Disken, déi den Zäitgeescht refletéieren.
