2018 ass den Trio Nes wéi aus dem Näischt opgetaucht an huet mam Album "Ahlam" direkt op sech opmierksam gemaach mat sengen Influenzen aus dem Mëttelmierraum, vun Nordafrika bis Südeuropa. D'Lescht Joer koum den Nofollger eraus, schlicht "Nesrine" iwwerschriwen ... eng vun de flotten Decouverten!
En Englänner an eng Amerikanerin, déi sech zoufälleg zu London iwwer de Wee gelaf sinn. Aus dëser Renconter koum d'Formatioun Still Corners ervir. Haut si si bei hirem fënneften Album "The Last Exit" ukomm.
Et sinn elo bal zwee Joerzéngten, datt de Piers Faccini eis ëmmer erëm faszinéiert mat senger Fusioun tëschent der Rock-Pop mat der traditioneller an der barock Musek. Elo mat sengem néngten Album "Shapes Of The Fall" hale mer nees eng Kéier e Bijou an der Hand!
The Breath, dat ass de Gittarist Stuart McCallum an d'Sängerin Ríoghnach Connolly, hirem Album "Only Stories", sinn zum groussen Deel d'Lidder vun hirem zweeten Album "Let The Cards Fall", awer akustesch opgeholl am Dezember 2018 an de Real World Studioen. D'Essenz vun deenen zwee hirem Talent ass ëmwerfend.
Zwee Instrumenter aus den 30er Jore stinn am Dialog beim schweedesche Singer-Songwriter a Multi-Instrumentalist Fredrik Kinbom an der Collaboratioun mam Pianist a Komponist Hans-Jörn Brandenburg. Et ass den Dialog tëschent enger (Vega) Lap Steel Gittar an engem Piano. D'Gittar ass en 39er Joergang an de Bechstein Piano och aus den 30er. "Madame Vega", esou ass hiren neien Album iwwerschriwwen, ass d'Filmmusek zum Jean Boué sengem Documentaire "Die Unerhörten".
Playlist:
Nesrine - Elle - Nesrine
Nesrine - Vitamine C
Still Corners - It's Voodoo - The Last Exit
Piers Faccini - Dunya - Shapes of the Fall
Piers Faccini - They Will Gather No Seed - Shapes of the Fall
Piers Faccini - Together Forever Everywhere - Shapes of the Fall
The Breath - Hide Out - Only Stories
The Breath - Boat Song - Only Stories
The Breath - Only Stories - Only Stories
Sidsel Endresen/Bugge Wesseltoft - Survival Techniques 3 - Out Here. In There
Kinbom/Brandenburg - Madame Vega's Cuban Dream
Kinbom - Walzing with Whales
Kinbom/Brandenburg - Madame Vega in Buenos Aires
Pascal Comelade & Cobla Sant Jordi - Sardana dels Desemparats (version 7) - Le cut-up populaire
Shalosh - David Bowie Contemplating Art And Death - Broken Balance