One World

D'New Yorker Sängerin an Aktivistin Danielle Ponder huet sech zesumme gedinn mam cinematic soul Outfit Karate Boogaloo vu Melbourne fir zwee Titelen, eng vun de flotten Decouverten dës Woch!

Iwwer di lescht 8 Joer huet déi New Yorker Formatioun Ikebe Shakedown hir Reputatioun als eng vun de kreatiivsten Instrumental-Gruppen zementéiert, andeems se Soul, Afro-Funk, Disco an en irresistibele Groove mateneen verbannen an esou hire ganz eegene Stil geschaaft hunn.

Virun 2 Joer huet d'Sängerin Skye Edwards an de Multi-Instrumentist Ross Godfrey, zwee Grënner Membere vum Grupp Morcheeba decidéiert nees zesummen ze schaffen, den Album Blaze Away war d'Resultat. D'Tournée déi sollt nokommen, ass aus de bekannte Grënn annuléiert ginn an dës forcéiert Paus hunn di zwee benotzt, fir weider ze schaffen. Blackest Blue heescht den neien Album a si sinn den 21 Juni fir d'Fête de la Musique an den Arènes de Lutèce vu Fip invitéiert mat aneren Artisten wéi Ballaké Sissoko, Camille, Arthur Teboul de Feu! Chatterton, Piers Faccini, a Balthazar e.a

Colemine Records ass en amerikanesche Label, deen wéi di meescht aner och staark ënner der Pandemie leiden. D'Plackegeschäfter sinn zou, Tournéeën ofgesot, keng live Optrëtter etc. Colemine ënnerstëtzen hir Artisten zb andeems se elo d'Compilatioun Brighter Days Ahead veröffentlecht hun. Eng Anthologie déi e positive, vu Sonn genierte Sound erklénge léist.

Et huet elo 10 Joer gedauert, datt de neie Projet vum kubanesche Pianist a Komponist Omar Sosa d'Daagesluucht gesäit. Wéi d'Iwwerschrëft vum Album et seet -An East African Journey - héiere mer hei eng Collaboratioun mat 8 westafrikaneschen Artisten. Dësen ambitiéise Projet ass op verschidde Plaze opgeholl ginn, op Madagaskar, am Kenia, Sudan, an Ethiopien, am Burundi an och op der Île Maurice zesumme mam Menwar.

Playlist:


Karate Boogaloo & Danielle Ponder - Little Bit - Look Around / Little Bit
Ikebe Shakedown - Adonai - Colemine Records Presents: Brighter Days Ahead
Black Pumas - Black Moon Rising - Black Pumas
Teaspoon Ndelu - Sputla - Mr Bongo Record Club, Vol. 4 (Compiled by Mr Bongo)
Morcheeba -Sulphur Soul - Blackest Blue
Morcheeba - Oh Oh Yeah - Blackest Blue
Still Corners - It's Voodoo- The Last Exit
Neal Francis - Changes (Demo) - Colemine Records Presents: Brighter Days Ahead
Omar Sosa - Ravann Dan Jazz (feat. Menwar) - An East African Journey
Avishai Cohen - Eleven Wives - Gently Disturbed
Avishai Cohen - When I'm Falling - Two Roses
Baptiste Thiry -The Day of Departure - Africa on the Move

Episoden