One World

Den Album "Two Roses" vum Avishai Cohen zesumme mam Symphoneschen Orchester vu Gothenburg ass d'Resultat vun engem laange Prozess, dee schonn 2013 ugefaangen hat, en Dram, deen an Erfëllung goung.

Fir de Martin Tingvall Trio ass d'Musek eng Weltsprooch, dat gëllt och fir den Danz. "Dance" heescht dee siwente Studio Album vum zu Hamburg baséierten Trio, dee mat sengem verspillten Jazz och den net Adepte vum Genre gefalen dierft.

Äthiopien ass och haut erëm e Polverfaass. De bekannte Pianist Hailu Mergia, deen elo zu Washington DC lieft, huet d'Land scho méi laang verlooss. "Yene Mircha" ass säin zweete Solo Album, deen 2020 erauskoum.

"If Words Were Flowers", esou ass den neien Album vum amerikanesche Soul Museker Curtis Harding iwwerschriwwen. Hei héiere mer eng éischt Blumm aus dësem schéine Bouquet.

Déi brasilianesch Sängerin Céu zelebréiert mam neien Album "Um Gosto de Sol" hir musikalesch Virbiller mat Coverversiounen.

"Far from any Road" ass e Folk-Song am Stil vun de sougenannte Mäerder-Balladen, komponéiert vun der Koppel Brett a Rennie Sparks, Membere vum Americana Duo The Handsome Family. "Far from any Road" ass um Album "Singing Bo".

Eng aner Filmmusek ass déi vu Kraked Unit zesumme mam Piers Faccini op der BO vum Cédric Klapisch sengem "Ce qui nous lie".

Den Englänner Pat Fish, Kapp vun der brittescher Formatioun The Jazz Butcher, och nach bekannt als The Jazz Butcher Conspiracy, huet eis viru Kuerzem verlooss, ufanks Oktober 2021. "They say that fear's a man's best friend and every day it seems that I have more", ass eng vun den Zeile vum Pat Fish, deen de schwaarzen Humor kultivéiert huet. "The Highest In The Land" ass säi neien a leschten Album, deen Ufank dëst Joer erauskoum.

Den Etuk Ubong ass en nigerianeschen Trompettist, Komponist a Bandleader mat engem fantastesche Sound, eng frësch nei Stëmm an der internationaler Jazzzeen.

Erfrëschend ass och de Klang vu Badge Époque Ensemble, eng kanadesch Formatioun, déi vum Max Turnbull geleet gëtt. Hiren no sech selwer benannten Debut koum direkt gutt un a gouf nominéiert fir den 2020 Polaris Music Prize.

Playlist:


Avishai Cohen - When I'm Falling - Two Roses
Tingvall Trio - Ya Man - Dance
Hailu Mergia - Bayne Lay Yihedal - Yene Mircha
Curtis Harding - I Won't Let You Down - If Words Were Flowers
Greentea Peng - Hu Man - Hu Man - Single
Céu - Ao romper da Aurora - Um Gosto de Sol
The Handsome Family - Far From Any Road (Main Title Theme from "True Detective") - Far From Any Road (Main Title Theme from "True Detective") - Single
Cannibale - Taste Me - Life Is Dead
Kraked Unit - Lucky Charm (Album Mix) [feat. Piers Faccini] - Ce qui nous lie (Bande originale du film)
The Jazz Butcher - Time - The Highest in the Land
Etuk Ubong - Spiritual Change - Africa Today
Badge Époque Ensemble - Just Space for Light (feat. Jennifer Castle) - Self Help
Khalid Khudayri - Dad Max (feat. Tom Hornig & Munir Khauli) - Invisible Reality

Episoden