Deem spuenesche Multi-Instrumentalist Gecko Turner säin neien Album "Somebody From Badajoz" ass frësch um Maart. Den Disk léisst dem Turner säin universelle Groove erkléngen an och säin Talent fir Orchestratioun an Arrangementer.
Eng aussergewéinlech Mëschung aus Soul, Gospel a Funk héiere mir vum Trio Gabriels vun LA ... e Coup de Coeur!
Decouverte dës Kéier ass Peter Cat Recording Co, eng Band vun New Delhi, ganz erfrëschend ass hiren Album "Bismillah" ...
Deen éisträichesche Biolog an Auteur Clemens G. Arvay hat sech mam Theema Gesondsheets-Ökologie auserneegesat. Dee jonke Wëssenschaftler an och Museker ass de leschten 18. Februar gestuerwen. Eng Improvisatioun mat Banjo a Gittar opgeholl doheem an der Stuff léisst e schéinen, intime Moment erkléngen.
Den David Walters erfuerscht säi kreolescht Ierwen an och doriwwer eraus de Rescht vun der Welt. Dance an tropesch Disco-Beats héiere mir beim neien Album "Soul Tropical", e Manifest vun enger positiver Liewensastellung.
Playlist:
Gecko Turner - De balde - De balde - Somebody From Badajoz
Gecko Turner - Ain't No Fun Preachin' to the Choir - Somebody From Badajoz
Gecko Turner - Am I Sad? - Somebody From Badajoz
John Milk - Don't Blame the Hammer - Don't Blame the Hammer - EP
Gabriels - Blame - Bloodline - EP
Woodkid - I Love You - The Golden Age
Peter Cat Recording Co. - I'm This - Bismillah
Clemens G. Arvay - Improvisation Clemens und Thomas, Banjo und Gitarre
David Walters - An Lot Soley - Soul Tropical
David Walters & K.O.G - Gimme Love - Soul Tropical