D'Sandra Nkaké, Sängerin a Schauspillerin, geet reegelméisseg Kollaboratioune mat aneren Artisten an. Fënnef Joer no "Tangerine Moon Wishes" huet si hire véierten Album "Scars" de 14. Abrëll via Pias verëffentlecht.
The Lemon Twigs, en Duo vu Long Island, huet "Every Day Is The Worst Day Of My Life" online gesat. Nach ëmmer Adepte vun enger cooler Indie-Pop kënnegen d'Lemon Twigs hire véierten Album "Everything Harmony" fir ufanks Mee un.
D'Aktualitéit weist, datt d'Fraen op der ganzer Welt nach ëmmer fir hir Rechter kämpfe mussen. Déi franséisch Batteuse Anne Paceo publizéiert "From Shadows To Light", en neit Lidd, dat all de Fraen an hirem Kampf Hoffnung spende soll.
Déi westafrikanesch Kora vum Toumani Diabaté trëfft op déi persesch Kamantsche vum Kayhan Kalhor. "The Sky Is the Same Colour Everywhere", esou heescht deen neie gemeinsamen Album vun dësen zwou grousse Perséinlechkeeten, deen en aussergewéinlechen Dialog erklénge léisst.
Eng aner grouss Pärel ass deen neien Album "Street of Minarets" vum tuneeseschen Oud-Spiller Dhafer Youssef, dee sech - och hien - gutt ëmginn huet.
Den Jazz Gittarist Pat Metheney, dee sech zanter de Mëtt 70er Joren als aflossräichste Museker etabléiere konnt, kënnegt och en neien Album un, deen de 16. Juni erauskomme soll. Dëser Deeg huet hien en éischten Titel mat eis gedeelt.
Playlist:
Trio SR9 & Blick Bassy - Bad Guy - Déjà Vu
Sandra Nkaké - Under My Skin - Scars
Martina Topley Bird - Baby Blue - Some Place Simple
The Lemon Twigs - Every Day Is the Worst Day of My Life - Everything Harmony
Juan Wauters - Introducing Juan Pablo - El Hombre de la Calle
Alison Krauss & Robert Plant - Trouble with My Lover - Raise The Roof (Deluxe Edition)
Anne Pacéo - From Shadow to Light - From Shadow to Light
Dhafer Youssef - Whirling in the Air (feat. Rakesh Chaurasia, Nguyên Lê & Dave Holland) - Street of Minarets
Kayhan Kalhor & Toumani Diabate - The Sky Is the Same Colour Everywhere - The Sky Is the Same Colour Everywhere
Pat Metheney - Are You Going Withe Me - Offramp
Pat Metheny - From The Mountains - Dream Box