No engem Signalement am Oktober 2024 war eng Enquête préliminaire opgemaach ginn. De 7. Januar 2025 goufen et Perquisitiounen a Leit goufe vun der PJ verhéiert.
Beim Signalement goung et ëm “faits graves à connotation sexuelle susceptibles de constituer des infractions pénales”, esou de Parquet Lëtzebuerg.
D’Investigatioun hätten et erlaabt, de Kontext vun de Faiten ze klären.
“Si certains comportements ont pu apparaître discutables d’un point de vue déontologique ou éthique, l’enquête n’a toutefois pas permis d’établir l’existence d’infractions pénales, en particulier d’abus sexuels, tels que décrits initialement dans le signalement.”
Dowéinst hätt de Parquet decidéiert, de Fall ouni Suitten ze klasséieren.
Dës Entscheedung géif just déi penal Appreciatioun vun de Faite betreffen, also net eventuell disziplinaresch Konsequenzen duerch aner Instanzen, notéiert de Parquet Lëtzebuerg a sengem Communiqué.
Educatiounsministère: keng disziplinaresch Poursuitten
No der Matdeelung vum Parquet Lëtzebuerg, huet den Educatiounsministère matgedeelt, datt e keng disziplinaresch Poursuitten entaméiert, géint déi Beamten, déi vun der Enquête viséiert waren.
