Et wier een immens frou iwwer déi historesch Decisioun, sot am spéiden Dënschdegmoien den David Pereira, Generaldirekter vun Amnesty International Lëtzebuerg. Allerdéngs wier dat, wat zielt, dat, wat um Terrain geschitt. Trotz där Unerkennung géif de Marsch bäibehale ginn, huet et vun der Lëtzebuerger Koalitioun fir Palästina geheescht.
Zum lëtzebuergeschen Unerkenne vun engem Palästinensesche Staat huet den David Pereira bemierkt, datt et een historesche Moment wier, an een net eleng wier.
Et wier e Moment, an deem d’Geschicht, d’Mënschheet eis bräicht. Dofir sollt d’Lëtzebuerger Populatioun beim Marsch vun e Sonndeg dobäi sinn. D’Lëtzebuerger Koalitioun fir Palästina ass en Zesummeschloss vun Organisatiounen, ONGen, Gewerkschaften a Membere vun der Zivilgesellschaft.
