An alle 27 EU-Memberlänner sollen duerch des Initiativ politesch Acteuren op d’Situatioun a Palästina higewise ginn, erkläert den Thomas Kauffmann, Generaldirekter vu Médecins Sans Frontières Lëtzebuerg. Et wier bei politeschen Acteure schonn zu enger "prise de Conscience" komm, elo misst de Courage kommen, fir d’Fuerderunge vun der ONG ëmzesetzen.
Humanitär Hëllef dierft am Gazakrich net instrumentaliséiert ginn, fuerdert MSF.
Et kéint een net d’Zivilbevëlkerung bombardéieren, betount den Thomas Kauffmann. Och ënner deenen, déi humanitär Hëllef leeschten, géif et eng héich Unzuel un Doudesaffer ginn.
Iwwerdeems fuerdert MSF och een nohaltege Waffestëllstand, fir datt nees humanitär Hëllef an d’Gazasträif eragelooss ka ginn.
