Zu Prag huet de Jens Stoltenberg och begréisst, datt Kiew manner Limitatioune kritt fir den Asaz vu Waffe vun Alliéierten. Virdrun hat d’US-Regierung an och d’Bundesregierung e Changement an hirer Ukrainpolitik annoncéiert.
D’Land soll elo erlaabt kréien, amerikanesch an däitsch Waffen och géint militäresch Ziler am russesche Grenzgebitt anzesetzen. Deemno sollen Attacke vun do aus op déi ost-ukrainesch Stad Charkiw ofgewiert ginn.
