Noriichten

/ Moundmissioun Artemis 2: Spektakulär Foto vum "Äerdënnergang"

Nasa

| Gëschter - 07h11

1 min

Moundmissioun Artemis 2: Spektakulär Foto vum "Äerdënnergang"

Déi véier Astronaute vun der US-amerikanescher Artemis 2-Moundmissioun sinn ënnerwee zeréck op d'Äerd. Nodeems si an der Orion-Weltraumkapsel ronderëm de Mound geflu sinn, huet déi US-amerikanesch Weltraumagence NASA spektakulär Fotoe publizéiert.

1 min

(Foto: EPA/NASA)

Dorënner ass eng Foto, wou d‘Äerd hanner dem Horizont vum Mound verschwënnt.

Dës Perspektiv, vun engem "Äerdënnergang“, hätt ee virdrun nach ni gesinn, esou d‘NASA. Et wier eng historesch Foto, déi un déi berüümt Foto vum "Äerdopgang“ vun der Apollo 8-Missioun aus dem Joer 1968 géif erënneren. D‘Orion-Weltraumkapsel vun der Artemis 2-Missioun soll e Samschdeg am Mier op der Äerd landen.