/ Misch Pautsch gëtt neie President vun der Journalistenassociatioun
D‘Lëtzebuerger Associatioun vu professionelle Journaliste kritt e neie President: De Misch Pautsch, dee beim Lëtzebuerg Journal schafft, iwwerhëlt de Poste vum Luc Caregari. Deen huet decidéiert, vum Presidente-Posten zréckzetrieden a Vize-President ze ginn, esou d‘ALJP an engem Communiqué.
1 min
Ënnert der Leedung vum neie President Misch Pautsch wéilt d‘ALJP elo nei Projeten ugoen. Dat nodeems de Premier a Medie-Minister Luc Frieden am Januar annoncéiert hat, zwee Dossieren, déi prioritär fir d‘ALJP waren – nämlech e Recht op Informatiounszougang an Definitioun vum Beruffsjournalist – nach bis de Summer op den Instanzewee ze bréngen.
