An engem Presseschreiwes kritiséieren déi jonk gréng, datt déi Leit ënner 35 zukünfteg solle 5 Joer méi laang, also bis 65, schaffe goen.
Vill Jonker missten sech haut mat ustrengenden Aarbechtskonditioune vun enger Pai bis bei déi nächst duerchschloen a kéinte kee Verméigen opbauen, well all déi Suen an de Logement géife fléissen.
Cotisatiounsjore sollen net gehuewe ginn
D‘Pensioune géifen als Generatiounekontrakt beschriwwen, well déi Jonk mat hire Paien d‘Pensioune vun der eelerer Generatioun géife bezuelen. Dat wier awer nëmme gerecht, wann déi Jonk och eppes zeréck kréichen.
Si géifen elo awer ausgenotzt ginn, fir datt déi Al weiderhi kéinten am Floribus liewen. Déi jonk gréng fuerderen datt d‘Cotisatiounsjoren net gehuewe ginn, an datt d‘Recetten aus der CO2-Steier wéi virgesi fir de Klima- an Ëmweltschutz agesat ginn.
