Muer sinn an der katarescher Haaptstad Doha méiglecherweis decisiv weider Verhandlungen iwwer eng Wafferou an der Gazasträif geplangt.
D'Noriichtenagence Reuters hat gëschter scho gemellt, datt den Iran seng annoncéiert Revanche-Attack op Israel nëmmen da géif faleloossen, wann et eng Wafferou an der Gazasträif gëtt.
Déi amerikanesch Regierung huet dann och eng weider grouss Vente vu Waffen a Militärfligeren un Israel autoriséiert. Fir iwwer 20 Milliarden US-Dollar keeft Israel vun den USA ënner anerem méi wéi 50 Kampffligere vum Typ F-15. Dat huet den amerikaneschen Ausseministère matgedeelt. D'Kampffligere sollen awer eréischt vun 2029 u geliwwert ginn.