Zënter gëschter läit bei de Verhandlungen zu Doha en neien Accord um Dësch. D‘Hamas huet awer direkt nei israeelesch Iddien, déi dodra stinn, verworf.
E Méindeg sollen déi Gespréicher awer weider goen.
Den amerikaneschen Ausseminister Antony Blinken reest haut op en neits an Israel, fir intensiv diplomatesch Efforten op der Plaz weiderzefeieren, huet säi Ministère matgedeelt. De Blinken wéilt hei allen implizéierte Parteien nach emol kloer maachen, datt eng weider Eskalatioun an der Géigend definitiv evitéiert misst ginn.
An der Gazasträif gëtt et iwwerdeems en éischte Fall vu Polio, mellen déi palestinensesch Autoritéiten. Betraff wier en 10 Méint ale Puppelchen, deen net geimpft ass. Den UNO-Generalsekretär António Guterres hat virdrun eng Waffepaus gefuerdert, eebe fir Honnertdausenden Kanner géint d‘Polio kënnen ze impfen.