De Presserot begréisst iwwerdeems, datt an den Text soll stoe kommen, datt Journalisten d’Recht hu fir vill verschidden Zorte vun Informatioune beim Staat un ze froen.
„Dat muss kee schrëftlech Dokument sinn: Et kann och eng Kaart sinn, et kann eng Statistik sinn, et kann eng Datebank sinn, an déi Informatioun kann och op e puer verschidde Plaze ofgespäichert sinn.“
Sécherstellen, datt sech net permanent op Ausname beruff gëtt
Nei wier der Lynn Warken no och, datt Beamt:inne Journalisten a Journalistinne sollen hëllefe fir un Informatiounen ze kommen.
Et misst och séchergestallt ginn, datt staatlech Institutioune sech net permanent op Ausnamen am Gesetz kënne beruffe fir Informatiounen dann awer net public ze maachen, betount d’Lynn Warken
De Presserot géif d‘Gesetz elo auserneen huele fir ze kucken, wou et u seng Limitte stéisst.
„Fir sécher ze stellen datt dat Gesetz net dono anti-demokratesch ass.. Well stellt Iech vir, et géif duerch dat Gesetz dono dozou kommen, datt verschidden Dokumenter net méi un d’Press kënne kommen. Dat wier jo dann éischter e Schrëtt zeréck.”