Huet d’Ofleenung eppes mat Angscht ze dinn? Da wier hie frou déi Angscht beschriwwen ze kréien, sou den Tom Hecker am 100,7-Interview. Mee nach hätt hie keng esou eng Erklärung héieren, oder an de sëllegen, dacks negativen an haass-erfëllte Messagen op de soziale Reseau gelies.
Hie géif alleguer d‘Messagë liesen an der Hoffnung eppes Konstruktives ze fannen, wouduerch hie säi Message kéint verbesseren, bis elo ouni Efolleg, wéi hie seet.
"Dofir effektiv mäin Appell: verbaliséiert wannechgelift Är Ängscht, fir datt mer Iech déi kënnen huelen, datt mer dat kënnen erklären."
Déi vill negativ Messagë géifen hien iwwerdeems och perséinlech blesséieren, sou den Tom Hecker.
"Gottseidank weess ech, datt et net d'Majoritéit ass, an datt et eeben och warscheinlech vill vun Angscht oder och Onkenntnis hir kënnt, well ee sech net mam Theema beschäftegt."
D‘Schoul soll op eng villfälteg Gesellschaft virbereeden
Op d’Fro, firwat et d’Roll vun der Schoul ass dee Sujet ze thematiséieren, äntwert den Tom Hecker.
"D'Schoul ass generell eng Statioun, déi op d'Liewen an d'Gesellschaft soll preparéieren. An d'Gesellschaft ass nun eemol vilfälteg."