Et wier ee vill vum Donald Trump gewinnt, mee dës rezent Aussoe ginn ze wäit, betount de Gusty Graas.
Hie stellt d'Fro, ob Russland nach wierklech vum ganze Westen als Aggressor ugesi gëtt. D'Ukrain ass jo och net invitéiert, fir d'Gespréicher fir de Krich op en Enn ze bréngen. Dat wier net nozevollzéien, betount de President vun der aussepolitescher Kommissioun an der Chamber. Den Aggressor kéint Proposen ënnerbreeden an dat Land, dat ugegraff gëtt, ass "absent", wann iwwer säi Schicksal berode gëtt.
Den DP-Politiker warnt iwwerdeems, datt de Putin schlau ass, an dës Situatioun ze notze wéisst. Grad d'EU, déi och net bei dëse Gespréicher dobäi ass, wier elo geschwächt.
