Zanter 2019 wieren am ganze 27 Mannerjäreger an de Prisong fir Erwuessener komm. Ënnert anerem well an der Struktur fir Jonker UNISEC zu Dräibuer keng Platz méi war. Dat ass fir d‘Interessevertriedung fir Prisonéier a Ex-Prisonéier inacceptabel.
Lëtzebuerg wier schonn dacks vun internationalen Organer, wéi der CPT (dem europäesche Comité fir d’Preventioun vu Folter) kritiséiert ginn. "Eraus, eran an elo" schwätzt vu politescher Inkompetenz a kritiséiert, datt et kee klore Gesetzestext a keng kloer Krittäre gëtt, wéini eng mannerjäreg Persoun op Schraasseg oder an d’UNISEC kënnt.
D’Organisatioun fuerdert, datt hannerfrot gëtt, firwat d’UNISEC dacks voll ass, an, datt adequat Strukture fir Jonker hei am Land geschaaft ginn, wou d’Mineure besser betreit kënne ginn.