Den däitsche Kanzler Olaf Scholz war manner kloer, hie sot awer, internationaalt Recht géif der Ukrain Attacken op Militärziler a Russland erlaben. D‘USA bleiwen awer bei hirer Positioun, datt si der Ukrain et net erlaben, amerikanesch Waffe fir Attacken op russeschem Territoire ze benotzen.
Verschidden EU-Länner hunn d’Waffeliwwerungen och d‘Konditioun geknäppt, datt d’Ukrain déi net asetzt, fir Ziler a Russland ze attackéieren. Den NATO-Generalsekretär Jens Stoltenberg huet d’Länner gefrot, déi Konditiounen opzehiewen. De russesche President Wladimir Putin huet fir dee Fall mat eeschte Konsequenze gedreet.
Den Nato-Generalsekretär Jens Stoltenberg freet indirekt, datt d’Ukrain westlech Waffen och fir Attacken op militäresch Ziler a Russland benotzen dierf. Verschidden EU-Länner refuséieren dat. Fir Lëtzebuerg stellt sech d’Fro net, seet d’Verdeedegungsministerin Yuriko Backes.
